'కాంతార' సినిమా చూసేందుకు వచ్చిన ముస్లిం జంటపై దాడి.. కేసు నమోదు

దిశ, సినిమా : రిషబ్ శెట్టి 'కాంతార' బాక్సాఫీసు దగ్గర కలెక్షన్ల వర్షం కురిపించింది. విమర్శకుల ప్రశంసలు అందుకున్న మూవీ.. ఓటీటీలో రిలీజ్ అయినా ప్రేక్షకుల కోరిక మేరకు థియేటర్స్‌లో కొనసాగుతోంది. ఈ క్రమంలోనే కర్ణాటకలోని దక్షిణ కన్నడ జిల్లా సుల్లియాలో ఈ సినిమా చూసేందుకు ముస్లిం జంట సంతోష్ థియేటర్‌కు చేరుకోగా.. థియేటర్ పరిధిలోని దుకాణాదారుడు అడ్డుకున్నాడని తెలుస్తోంది. ముస్లిం మహిళ హిజాబ్ ధరించి మూవీ చూడటంపై వ్యతిరేకించిన ఈ హిందూ కమ్యూనిటీ సపోర్టర్.. ఆమెతో వచ్చిన వ్యక్తిని కొందరితో కలిసి కొట్టాడని సమాచారం. ఈ విషయం తెలుసుకున్న పోలీసులు ఘటనాస్థలికి చేరుకుని పరిస్థితిని చక్కదిద్దగా.. సినిమా చూశాకే ముస్లిం జంట ఇంటికి చేరుకున్నట్లు తెలుస్తోంది.